Архичид аминчлахуй нийгэмлэгийн арван хоёр алхам нь архинаас ангижрах хөтөлбөрийн цөм юм.

1. Бид амьдралд хөл алдаж, архинд толгойгоо мэдүүлсэн гэдгээ хүлээн зөвшөөрсөн.
2. Биднээс илүү агуу хүч бидэнд эрүүл саруул ухааныг дахин өгнө гэдэгт итгэсэн.
3. Бид өөрсдийнхөөрөө ойлгож байгаа тэр бурханд хүсэл эрмэлзлэл, амь амьдралаа даатгахаар шийдсэн.
4. Өөрсдийнхөө зан суртахууны хэм хэмжээг тогтоож зоригтойгоор авч хэрэглэсэн.
5. Буруу зүйлийнхээ жинхэнэ мөн чанарыг бурханы өмнө, өөрсдийнхөө өмнө, бусдын өмнө хүлээн зөвшөөрсөн.
6. Бурханаар зан чанарынхаа энэ бүх дутагдал доголдлыг арилгуулахад бүх талаар бэлэн болсон байсан.
7. Бидний алдаа дутагдлыг арилгаж өгөхийг түүнээс хичээнгүйлэн гуйсан.
8. Уурлуулж гомдоосон, муу юм хийсэн хүмүүсийнхээ нэрсийг гаргаж, тэдний өмнө буруугаа хүлээх хүсэлтэй болсон.
9. Энэ нь тэднийг болон хэн нэгнийг эмзэглүүлэхгүй бол хаа явсан газраа тэр хүмүүсийн өмнө алдаагаа засч учруулсан хор холбогдлыг шууд арилгасан.
10. Хувь хүний эрхэмлэвэл зохих зүйлийг эзэмшиж, гаргасан алдаагаа тэр дор нь хүлээдэг болсон.
11. Бид өөрсдийнхөө ойлгож байгаа тэр бурхантай тогтоосон оюун санааны холбоогоо бэхжүүлэхийн тулд хүсэл зоригоо бидэнд мэдүүлж, түүнийг хүлээн авах хүч чадал хайрлахыг түүнээс залбиран гуйсан.
12. Эдгээр алхмын үр дүнд оюун санааны тухай төсөөлөлтэй болж, энэ итгэлийг архи уудаг бусад хүмүүст түгээн дэлгэрүүлж эдгээр зарчмыг бүх ажил амьдралдаа хэрэгжүүлэхийг оролдсон.