Удиртгал

Архичид аминчлахуй (АА) гэдэг нь өөрсдийн туршлага, хүч тэнхээ, итгэл найдвараа бие биетэйгээ хуваалцаж, өөрсдийн зовлон бэрхшээлийг хамтран шийдвэрлэхийн тулд мөн архинд донтох өвчнөөс эдгэрэхийг хичээж буй бусаддаа туслахаар хамтран нэгдсэн эрэгтэй, эмэгтэй хүмүүсийн нөхөрлөл юм.
Гишүүддээ тавьдаг цорын ганц шаардлага бол архинаас ангижрахыг зорьсон чин хүсэлтэй байх явдал юм. АА-ийн гишүүнчлэлд хамрагдахын тулд аливаа төлбөр хураамж төлөх шаардлагагүй. Бид өөрсдийн хандив цуглуулгаар үйл ажиллагаагаа санхүүжүүлдэг.

АА-ийн гишүүнтэй хийсэн чин сэтгэлийн ярилцлага №4

Энэ удаагийн ярилцлага маань АА-ийн эмэгтэй гишүүн оролцож байгаагаараа онцлог юм. Сайтын маань 3-р сарын зочноор оролцож, ярилцлага өгөхийг зөвшөөрсөнд юуны өмнө маш их баярлалаа.

  1. Ингээд уламжлал болсон эхний асуултаар ярилцлагаа эхэлье. Та АА-д хандаад хичнээн хугацааг өнгөрөөв.

    АА-д анх 2005 онд хандаж байсан. Тэгээд яг үнэндээ тухайн үед гүйцэд сайн ойлгохгүй явж байсан. 2006 оны 11 сараас эхлээд би өөрийгөө жинхэнэ АА-гийн гишүүн болсон гэж тооцдог. Тэр үеэс л одоог хүртэл явж байна.

АА-ийн гишүүнтэй хийсэн чин сэтгэлийн ярилцлага №3

Энэ удаагийн ярилцлага маань АА-ийн залуу гишүүн оролцож байгаагаараа онцлог юм. Сайтын маань 2-р сарын зочноор оролцож, ярилцлага өгөхийг зөвшөөрсөнд юуны өмнө маш их баярлалаа.

  1. Ингээд уламжлал болсон эхний асуултаар ярилцлагаа эхэлье. Та АА-д хандаад хичнээн хугацааг өнгөрөөв. Энэ хугацаагаа товч дүгнэвэл.

    За баярлалаа. Ярилцлага өгөх болсондоо би их баяртай байна. АА-д хандаад 2 жил 2 сар орчим болж байна. Урьд нь архи дарс уугаад явж байсан үетэйгээ харьцуулахад тэнгэр газар шиг ялгаатай санагдаж байна. Ямар ч барих барьцгүй, явах чиглэлгүй байсан хүн өнөөдөр өөрийнхөө хэмжээнд нилээд зүйлийг ойлгон зүг чиг, арга барилаа

АА-ийн гишүүнтэй хийсэн чин сэтгэлийн ярилцлага №2

Сайн байна уу. Танд энэ өдрийн мэнд хүргэе. Бид Монголын АА төвийн вэб сайт дээрээ сар бүр нэг гишүүнтэй чин сэтгэлийн ярилцлага өрнүүлж байхаар шийдсэн билээ. Ингээд танд 1-р сарын зочноор оролцохыг зөвшөөрсөнд уншигчид болон олон олон АА-ийн гишүүдийнхээ өмнөөс талархаж байна.

  1. Уламжлал болсон эхний асуултаар ярилцлагаа эхэлье. Та АА-д хандаад хичнээн хугацааг өнгөрөөв. Энэ хугацаагаа товч дүгнэвэл.

    Яахаа ч мэдэхгүй будилж явсаар байгаад зүгээр л үхэхийг хүсч явсан хүн энд орж ирээд гарцаа олсон. Одоо яваад 6 жил болж байна. Энэ хугацаанд би өөрөө эрүүл явах ёстой юм байна, эрүүл яваад байхад энгийн амьдралаар амьдраад яваад байж болдог юм байна гэдгийг эдгэрлийн

Өчигдөр би уусан бол (Шүлэг)

Өчигдөр би уусан бол
   Өндөр тэнгэр нурах байсан
   Өглөөн наран хиртэх байсан
   Намрын модод шуугих байсан
   Навчаа даалгүй унах байсан
Өчигдөр би уусан бол
   Долоон бурхан гудайж хононо
   Дорнын тэнгэр бүүдийж хононо
   Бүсгүйн сэтгэл энэлж хононо
   Бүлтгэр үрс шаналж хононо
Өчигдөр би уусан бол
   Будаатай шөл аягандаа хононо
   Буцалсан ус хажуд хононо
   Баахан шил хөглөрч хононо
   Багахан хэмжээний дайн болно
Өчигдөр би уусан бол
   Түмпэн сав түжигнэж хононо
   Түймрийн гал шиг шатаж хононо
   Айлын хөгшин сэрвэлзэж хононо
   Амьсгаа даран түгшиж хононо
Өчигдөр би уусан бол

АА-ийн гишүүнтэй хийсэн чин сэтгэлийн ярилцлага №1

Сайн байна уу? Таныг АА-д яваад олон жил болж байгаа ахмад гишүүн гэж сонсоод эхний ярилцлагаа таниас эхлэхээр шийдсэн юм. Мөн таныг ярилцлага өгөхийг зөвшөөрсөнд уншигчид болон олон олон гишүүдийнхээ өмнөөс талархаж байгаагаа хэлмээр байна.

  1. Та АА-д хандаад хэдэн жил болж байна?
    Сайн. Сайн байна уу. Юуны өмнө АА-гийн мэдээллийг багтаасан энэхүү site-д ярилцлага өгөх болсондоо баяртай байна. Миний хувьд АА-д хандаад 11 жил 6 сар болж байна.
  2. Та хэдэн жил архины хамааралтай байсан бэ? Хэрэв дургүйцэхгүй бол тэр үеийнхээ талаар дурсаж болох уу?
    Бололгүй яахав. 20-иод жил архитай нөхөрлөсөн. Анх...

Шинээр ирж буй гишүүдийн асуултанд хариулах нь

Энд шинээр ирж буй хүмүүсийн голчлон тавьдаг асуултуудад хариу өгөхийг хичээлээ. Бид өөрсдөө уг нийгэмлэгт анх хандаж ирэхдээ эдгээр асуултуудыг мөн адил асууж байсан билээ.

Би архичин мөн үү?

Хэрэв та архийг ойр ойрхон өөрийн тооцоолж байснаас эсвэл хүсч байснаас хэтрүүлэн хэрэглэдэг, үүнээс болж янз бүрийн хэрэг төвөгт орооцолддог, эсвэл архи уух үед таны ухаан санаа тасардаг бол та архичин болсон байж магадгүй юм.
Гагцхүү та л үүнийг тодорхойлж чадна. АА-гийн аль ч гишүүн таны архичин эсэхийг тогтоож өгөхгүй.

Өөрийнхөө архи ууж буй явдалд санаа зовж байгаа бол би энэ талаар юу хийж чадах вэ?

Тусламж хай. Архичид Аминчлахуй нийгэмлэг танд тусалж чадна.

Нэр нууцлалтыг АА бүлгийн түвшинд ойлгох нь

Бид бүлгийнхээ хүрээнд өөрсдийнхөө овог нэрийг ашиглаж болно. Ингэхдээ бусад гишүүдийн нэрээ нууцлах эрхийг хүндэтгэж үзнэ. Зарим бүлгийн хувьд гишүүдээс сайн дурын үндсэн дээр өгсөн нэр болон утасны дугаарын жагсаалтыг хадгалдаг бөгөөд энэ жагсаалтыг зөвхөн бүлгийн гишүүд л ашиглах боломжтой. АА цуглаан дээр хэлсэн хувийн мэдээллийг бид цааш нь задруулахгүй. "Аноним" гэдэг үгээр бид хувь хүний нууцыг чандлан сахихаа амлаж байгаа билээ.
Архинаас яаж гарсан тухай яриа бол бидний үнэн сэтгэлээсээ хуваалцдаг цорын ганц яриа юм. АА нийгэмлэгийн гишүүдийн нэрийн нууцлагдмал байдлыг чандлан хамгаалах асуудалд анхаарал болгоомжтой хандахыг зөвлөдөг билээ.

АА-гийн гол зорилго

Тавдугаар уламжлал: Бүлэг бүр цорын ганц зорилгод хөтлөгдөх ба энэ зорилго нь архинд автаж шаналж байгаа хүмүүст энэ хөтөлбөрийн тухай мэдээг түгээж хүргэхэд оршино.
АА хөдөлгөөн нь дэлхий даяар оюун санааны ариусгал авчрах шинэ нум сум болно хэмээн зөгнөх хүмүүс бий. Найз нөхөд маань чин сэтгэлээсээ хандаж ийнхүү зөгнөн хэлдэг. Хэдий тийм ч АА нийгэмлэгийн гишүүд бидэнд ийнхүү олгож буй өндөр хариуцлага нь бидний хувьд ууж чадамгүй хатуу дарс болж магадгүй билээ. Учир нь тэрхүү зөгнөл нь АА хөдөлгөөний жинхэнэ гол зорилго мөн билүү, үүний дагуу бид зохих ёсоор биеэ авч явах чадвартай болсон билүү зэрэг асуултууд урган гарч ирэх болдог.